Gati 30 vjet pas vrasjes së reperit legjendar Tupac Shakur, pretendime të reja kanë rikthyer vëmendjen mbi këtë rast të pazbardhur. Në një intervistë të kohëve të fundit nga burgu, ish-shefi i “Death Row Records”, Suge Knight, deklaroi se Tupac kishte kërkuar t’i jepej fund vuajtjes pas plagosjes së rëndë dhe se nëna e tij, Afeni Shakur, kishte respektuar dëshirën e tij duke i kërkuar mjekëve të mos e ringjallnin.
Knight gjithashtu përmendi një intervistë të vitit 2009 me policinë, ku Duane “Keefe D” Davis – aktualisht në pritje të gjyqit – pretendonte se Sean “Diddy” Combs kishte ofruar 1 milion dollarë për organizimin e atentatit ndaj Tupac-it. Diddy i ka mohuar vazhdimisht këto akuza, dhe autoritetet kanë deklaruar se ai kurrë nuk ka qenë zyrtarisht i dyshuar në këtë rast.
Pretendimet e reja dalin në dritë në një kohë kur Diddy po përballet me akuza të tjera serioze në New York, duke shtuar edhe më shumë tension dhe spekulime mbi një nga rastet më të diskutueshme në historinë e muzikës hip-hop.
