Drejtori i ri i NALT-it rikonfirmon mbështetjen për Kosovën

Ai pason brigadierin Christian Nawrat, po ashtu nga ushtria gjermane, i cili drejtoi NALT-in që nga prilli 2024.Nëse doni të jepni këshilla të mira, fillimisht duhet të mësoni diçka vetë. Dhe ka shumë për të mësuar në Kosovë. Gjatë qëndrimit tim këtu, kam mundur të mësoj shumë për organizatat e sigurisë së Kosovës, por edhe më gjerë. Unë jam thellësisht mirënjohës për këtë”, tha gjeneral brigade Christian Nawrat.

Drejtori i ri i NALT-in, gjeneral brigade Sven Lange, vlerësoi arritjet e paraardhësit të tij dhe shprehu shpresën për të vazhduar punën mbi ato të arritura: “Jam i bindur se emërimi i një drejtori të ri për të mbikëqyrur këtë mision sjell perspektiva dhe udhëheqje të reja, duke ruajtur synimet dhe objektivat thelbësore të këtij misioni të rëndësishëm”, theksoi ai.

Sipas njoftimit të KFOR-it, gjeneral brigade Lange ka pasur një karrierë shumë të shquar në forcat e armatosura gjermane, pasi ka shërbyer në pozita të larta në Kolegjin Gjerman të Komandës dhe Shtabit, Ministrinë Federale Gjermane të Mbrojtjes dhe Shtabin e NATO-s.

Që nga gushti 2016, misioni i NALT-in është të ofrojë mbështetje për ngritjen e kapaciteteve për zhvillimin e mëtutjeshëm të organizatave të sigurisë në Kosovë, përfshirë Forcën e Sigurisë së Kosovës.