Kosova do të përballet me një javë të motit të ndryshueshëm, ku fillimi sjell reshje të lehta dhe stuhi lokale, ndërsa pjesa e dytë do të shënohet nga rritje graduale e temperaturave dhe një valë e nxehtësisë që kulmon në fundjavë.
Sot (28 qershor) priten reshje të izoluara dhe stuhi të shkurtra, ndërsa nga e diela moti do të përmirësohet me kthjellime dhe temperatura në rritje. Nga e hëna deri të premten, temperaturat do të arrijnë deri në 37°C, me kushte për nxehtësi ekstreme dhe rrezik për zjarre natyrore.Instituti Hidrometeorologjik i Kosovës ka lëshuar paralajmërime për stuhi lokale dhe temperatura të larta për disa rajone të Kosovës, duke përfshirë Prishtinën. Këto paralajmërime janë në fuqi për periudhën e ardhshme dhe kërkojnë kujdes të shtuar nga qytetarët./Gazeta Reale
