Për të gjithë ata që janë të pikëlluar tani, ju jeni në mendimet tona dhe në zemrat tona”, tha zëdhënësja e NATO-s.
Selia e NATO-s tha se ishte e tronditur dhe e pikëlluar nga humbja e një numri të madh jetësh të rinjsh në Koçan, Maqedoni të Veriut, pas një zjarri në një diskotekë që vrau të paktën 51 persona.
“Jemi të tronditur dhe të pikëlluar nga humbja e kaq shumë jetëve të të rinjve në Koçan, Maqedoni e Veriut, brenda natës”, tha zëdhënësja e NATO-s Allison Hart në rrjetin X.
Duke shprehur ngushëllime për të gjithë të prekurit nga tragjedia e tmerrshme, ajo shtoi: “Për të gjithë ata që janë të pikëlluar tani, ju jeni në mendimet tona dhe në zemrat tona”.
Autoritetet e Maqedonisë së Veriut kanë njoftuar se të paktën 51 persona kanë vdekur nga zjarri në një diskotekë në Koçan, rreth njëqind kilometra larg Shkupit. Më shumë se 100 persona u plagosën nga zjarri që shpërtheu në orët e para të së dielës.
Ministri i Shëndetësisë së Maqedonisë së Veriut, Arben Taravari, konfirmoi se 18 pacientë të shtruar në spital janë në gjendje kritike.
Zjarri shpërtheu gjatë një koncerti ku morën pjesë rreth 1.500 njerëz dhe pronari i diskotekës u arrestua, sipas mediave të Maqedonisë së Veriut.
