Pak pasi policia arrestoi bashkëshortin e saj, kunati i gruas kreu veprën – Policia jep detaje për rastin në Pejë

featured
0
Shpërndaj

Shpërndaje këtë postim

ose kopjo linkun

Policia e Kosovës ka dhënë detaje të reja lidhur me vrasjen e rëndë që ndodhi sonte në fshatin Vitomiricë të Pejës.

Sipas komunikatës, rreth orës 19:00, policia ishte njoftuar për një rast të dhunës në familje, i cili kishte ndodhur në këtë fshat.

Viktima ishte shoqëruar në stacionin policor, ku ishte intervistuar. Po ashtu, policia kishte arrestuar dhe intervistuar bashkëshortin e saj, i cili dyshohet për rastin e dhunës në familje dhe është ndaluar për 48 orë.

Megjithatë, rreth orës 21:10, policia është njoftuar se e njëjta grua ishte gjetur pa shenja jete, derisa bazuar në të dhënat fillestare, dyshohet se vdekja e saj ka ardhur si pasojë e goditjeve me një mjet të fortë, transmeton Klankosova.tv.

Në vendin e ngjarjes kanë dalë njësitë përkatëse policore dhe ekipi mjekësor, i cili ka konstatuar vdekjen e viktimës.

Policia ka bërë të ditur se për rastin e dytë dyshohet një person tjetër, i cili, sipas informacioneve fillestare, është kunati i viktimës dhe ndodhet në arrati.

Për rastin është njoftuar edhe Prokurori i Shtetit, i cili ka dalë në vendin e ngjarjes.

“Aktualisht janë duke u ndërmarrë veprimet e nevojshme hetimore për sqarimin e plotë të rrethanave të rastit dhe lokalizimin e arrestimin e personit të dyshuar”, tha policia.

Adresa juaj email s’do të bëhet publike. Fushat e domosdoshme janë shënuar me një *

0/30 karaktere

Hyr

Hyni ose krijoni një llogari tani për të përfituar nga privilegjet e Gazetabruto.com, dhe plotësisht falas!

Hyr