PDK-ja i kërkon Presidentes kthimin e Ligjit për Specialen në Kuvend

featured
0
Shpërndaj

Shpërndaje këtë postim

ose kopjo linkun

Grupi Parlamentar i Partisë Demokratike të Kosovës i ka kërkuar Presidentes Justina Shiroka-Pula që Ligjin për ndryshimin dhe plotësimin e Ligjit për Dhomat e Specializuara dhe Zyrën e Prokurorit të Specializuar ta kthejë në Kuvend për rishqyrtim.

Në një komunikatë për media, PDK-ja ka thënë se synimi është plotësimi i disa dispozitave dhe forcimi i sigurisë juridike, me qëllim të garantimit të të drejtave kushtetuese të ish-pjesëtarëve të UÇK-së që po gjykohen në Hagë.

Sipas PDK-së, ligji është i finalizuar në pjesën dërrmuese të tij dhe rishqyrtimi do të shërbente për verifikimin profesional dhe adresimin e elementeve që mund të pengojnë zbatimin e tij.

Partia ka theksuar se kërkesa është për rikthimin e ligjit në Kuvend, e jo në Qeveri, duke shprehur pritjen që ai të miratohet sërish brenda pak javësh.

PDK-ja ka ftuar ekspertët, përfshirë Avokatin e Popullit, që të paraqesin propozime konkrete për përmirësimin e ligjit.

Në komunikatë, partia ka bërë të ditur se do të vazhdojë angazhimin edhe për një strategji të koordinuar shtetërore për apelin në Hagë, sigurimin e fondeve dhe mbështetjen profesionale për mbrojtjen e të akuzuarve.

“Gatishmëria për ta përmirësuar ligjin nuk është në asnjë mënyrë tërheqje prej tij”, thuhet në njoftimin e PDK-së.

Adresa juaj email s’do të bëhet publike. Fushat e domosdoshme janë shënuar me një *

0/30 karaktere

Hyr

Hyni ose krijoni një llogari tani për të përfituar nga privilegjet e Gazetabruto.com, dhe plotësisht falas!

Hyr