Një javë pas vrasjes së Arlinda Zekajt në Vitomiricë të Pejës, në publik është bërë e ditur edhe një letër tjetër që ajo ua kishte drejtuar institucioneve të drejtësisë, në përpjekje për të kërkuar mbrojtje.
Këtë herë, bëhet fjalë për një letër drejtuar gjyqtarit Migjen Kastrati, përmes së cilës Arlinda kërkonte caktimin e urdhrit mbrojtës, si dhe zgjidhjen e çështjes së kujdestarisë së djalit të saj.
Letra, e publikuar nga Natyra Kuçi, përmban një apel të ndjerë të Arlindës për trajtim urgjent të rastit të saj.
“Për ju është rutinë, për mua është jetë”, ishte një nga fjalitë që ajo kishte shkruar më 7 shtator 2026, duke shprehur shqetësimin dhe nevojën për mbrojtje.
Publikimi i kësaj letre, shtatë ditë pas vrasjes së saj, ka rikthyer vëmendjen te kërkesat që Arlinda kishte bërë para se t’i merrej jeta, si dhe te përgjegjësia e institucioneve për trajtimin e rasteve të raportuara të dhunës.
Për rastin janë arrestuar ish-bashkëshorti i saj, Jeton Sylaj, dhe ish-kunati, Albert Sylaj, ndaj të cilëve është caktuar masa e paraburgimit prej një muaji.

