Avokatja Adelina Hoxha ka reaguar pas vrasjes së Arlindës, e cila dyshohet se u vra nga kunati i saj me sopatë, në Vitomiricë të Pejës.
Përmes një reagimi në facebook, Hoxha ka ndarë një mesazh të dhimbshëm për viktimën, duke treguar se ajo i ishte përgjeruar që të bënte gjithçka, pasi, siç shprehet, nuk i duhej jeta pa djalin e saj.
“Një grua që mu përgjërua të bëjë gjithçka, se nuk i duhet jeta pa djalin e saj, sonte u vra nga kunati me sopatë”, ka shkruar avokatja.
Ajo ka ngritur akuza të rënda ndaj shtetit, duke pretenduar se Arlinda nuk u vra vetëm nga kunati, por edhe nga dështimi i institucioneve.
“Por jo, Arlindën e vrau shteti”, ka deklaruar Hoxha.
Avokatja ka paralajmëruar se nesër do t’i publikojë dëshmitë lidhur me rastin.
Sipas informacioneve të siguruara nga IndeksOnline, viktima është shqiptare me shtetësi amerikane, ndërsa i dyshuari është nga komuna e Deçanit.
