Policia e Kosovës ka arrestuar një 65-vjeçar, babanë e 27-vjeçarit Adonis Demiri, i cili u gjet i pajetë së bashku me një foshnjë në fshatin Demiraj të Gjilanit.
I dyshuari po hetohet për veprën penale “Vrasje e rëndë” dhe, me vendim të prokurorit, është ndaluar për 48 orë.
Trupat e pajetë të 27-vjeçarit dhe foshnjës janë dërguar në Institutin e Mjekësisë Ligjore për obduksion. Hetimet për zbardhjen e plotë të rastit janë në vazhdim.
