Goditet rrjeti i dyshuar për shpëlarje parash në Kosovë, tre persona përfundojnë në pranga pas aksionit ndërkombëtar

featured
0
Shpërndaj

Shpërndaje këtë postim

ose kopjo linkun

Aksioni kundër krimit financiar në Kosovë, tre persona të arrestuar pas bastisjeve në tri qytete

Një aksion i gjerë policor, i zhvilluar në kuadër të një hetimi me përmasa ndërkombëtare, ka vënë në shënjestër disa lokacione në Prishtinë, Ferizaj dhe Fushë Kosovë, ku deri më tani janë arrestuar së paku tre persona, mëson ekskluzivisht Bruto.

Burime të afërta me rastin bëjnë të ditur se personat e arrestuar janë me inicialet I.H., A.G. dhe M.P.

Gjatë ndërhyrjes së organeve të rendit janë kontrolluar disa lokacione, ndërsa si pjesë e veprimeve hetimore janë marrë nën administrim edhe automjete dhe pajisje të ndryshme elektronike, të cilat dyshohet se mund të përmbajnë të dhëna me rëndësi për rastin.

Në qendër të këtij hetimi janë dyshimet për shpëlarje parash dhe përfshirje në aktivitete të paligjshme financiare që dyshohet se kanë shtrirje përtej kufijve të Kosovës.

Burime institucionale bëjnë të ditur se hetimet po zhvillohen nga Drejtoria për Hetimin e Krimeve Ekonomike dhe Korrupsionit në Policinë e Kosovës, në koordinim me Prokurorinë Speciale.

Për realizimin e operacionit, ekipet policore kanë vepruar me autorizim të Gjykatës Themelore në Prishtinë, përkatësisht Departamentit Special. Në këtë proces janë të përfshira edhe autoritetet gjermane, çka dëshmon karakterin ndërkombëtar të hetimeve.

Hetuesit janë duke u fokusuar në gjurmimin e transaksioneve financiare dhe verifikimin e dyshimeve për mënyrën se si janë realizuar dhe transferuar mjetet monetare. Po ashtu, pritet të shqyrtohen dokumentet dhe të dhënat e gjetura gjatë bastisjeve, për të identifikuar persona të tjerë që mund të kenë lidhje me rastin.

Megjithatë, deri në këtë fazë nuk janë bërë të ditura shumat e dyshuara të parave të përfshira në këtë skemë, ndërsa nuk ka informacione zyrtare as për vlerën e automjeteve dhe pajisjeve të sekuestruara.

Mbetet të shihet nëse hetimet do të rezultojnë me arrestime të tjera apo masa shtesë ndaj personave të dyshuar.

Rasti është ende nën hetim dhe pritet që institucionet kompetente të dalin me informacione të reja lidhur me zhvillimet e fundit.

Adresa juaj email s’do të bëhet publike. Fushat e domosdoshme janë shënuar me një *

0/30 karaktere

Hyr

Hyni ose krijoni një llogari tani për të përfituar nga privilegjet e Gazetabruto.com, dhe plotësisht falas!

Hyr