Profesori Faton Ismajli ka kërkuar që kryeministri Albin Kurti dhe zyrtarët e tjerë të pushtetit të jenë më të pranishëm në debatet televizive dhe të japin llogari për premtimet dhe projektet e parealizuara.
Në emisionin “Adresa”, Ismajli theksoi se qytetarët dhe mediat duhet të kërkojnë përgjegjësi për projektet që nuk janë realizuar.
“Na s’jemi veç me dhanë mendime, na jemi me i kërku, me i thanë pse s’ka ndodh ajo hekurudha për Durrës, pse s’ka ndodh ajo rruga për Ferizaj-Mitrovicë”, deklaroi Ismajli.
Ai kritikoi mungesën e përballjes së drejtpërdrejtë të zyrtarëve me mediat, duke theksuar se në vend të tyre janë paraqitur persona të tjerë për të folur në emër të pushtetit.
