Kah po shkon Kosova? 2,052 raste dhune, tetë gra të vrara brenda vitit!

featured
0
Shpërndaj

Shpërndaje këtë postim

ose kopjo linkun

Kah po shkon Kosova, kur dhuna në familje po vazhdon të marrë përmasa shqetësuese, ndërsa viktimat e saj po shtohen nga viti në vit?

Vetëm gjatë nëntë muajve të parë të vitit 2026, në Kosovë janë regjistruar 2,052 raste të dhunës në familje. Nga këto raste, 1,626 viktima janë gra, duke dëshmuar se gratë vazhdojnë të jenë më të prekurat nga kjo dukuri.

Shqetësuese janë edhe rastet e vrasjeve të grave. Gjatë vitit 2026, tetë gra janë vrarë nga partnerët, ish-partnerët apo familjarët e tyre. Rasti i fundit ishte ai i Arlinda Zekajt, e cila u vra më 25 tetor në Vitomiricë të Pejës.

Përmasat e kësaj dukurie ngritin pikëpyetje mbi sigurinë e qytetarëve dhe reagimin institucional ndaj rasteve të dhunës. Sipas kornizës ligjore në Kosovë, raportimi i dhunës nuk është vetëm përgjegjësi e viktimave, por edhe obligim i personave që janë dëshmitarë të saj.

Në rastet kur vlerësohet rrezikshmëri e lartë, institucionet duhet të ndërmarrin masa për mbrojtjen e viktimave, përfshirë edhe konfiskimin e armëve që mund të përdoren për kryerjen e veprave penale.

Ndër faktorët që mund të ndikojnë në përhapjen e dhunës përmenden problemet e shëndetit mendor, përdorimi i substancave narkotike, vështirësitë socio-ekonomike dhe vonesat në proceset gjyqësore.

As viti 2025 nuk ishte më pak shqetësues. Gjatë tij, në Kosovë u regjistruan 2,711 raste të dhunës në familje, ku 1,931 viktima ishin gra.

Përballë këtyre shifrave, dhuna  mbetet një nga problemet më serioze shoqërore në vend, duke kërkuar reagim të vazhdueshëm dhe mbrojtje më efektive për viktimat.

Adresa juaj email s’do të bëhet publike. Fushat e domosdoshme janë shënuar me një *

0/30 karaktere

Hyr

Hyni ose krijoni një llogari tani për të përfituar nga privilegjet e Gazetabruto.com, dhe plotësisht falas!

Hyr