Kurti takon kryeministrin kanadez, në fokus siguria dhe thellimi i bashkëpunimit mes dy vendeve

featured
0
Shpërndaj

Shpërndaje këtë postim

ose kopjo linkun

Kryeministri i Kosovës, Albin Kurti, ka zhvilluar një takim me kryeministrin e Kanadasë, Mark Carney, në margjina të Samitit të Komunitetit Politik Evropian (EPC).

Lajmin e ka bërë të ditur Kurti përmes një postimi në rrjetet sociale, ku ka treguar se gjatë takimit janë diskutuar marrëdhëniet dypalëshe, çështjet e sigurisë dhe mundësitë për zgjerimin e bashkëpunimit ndërmjet Kosovës dhe Kanadasë.

Kurti ka shprehur mirënjohje për mbështetjen e vazhdueshme të Kanadasë ndaj Kosovës, duke përmendur pritjen e mijëra refugjatëve kosovarë gjatë vitit 1999, pjesëmarrjen në intervenimin e NATO-s, kontributin në rindërtimin e vendit dhe njohjen e pavarësisë së Kosovës.

Ai ka vlerësuar gjithashtu përkrahjen e Kanadasë për anëtarësimin e Kosovës në organizata ndërkombëtare.

Në postimin e tij, Kurti ka përmendur edhe pjesëmarrjen e një delegacioni qeveritar të Kosovës në Konventën e Shoqatës së Kërkuesve dhe Zhvilluesve të Kanadasë (PDAC), e mbajtur në Toronto në mars të këtij viti.

Kryeministri kosovar e ka cilësuar Kanadanë, si anëtare të NATO-s dhe G7-s, një mike dhe partnere të rëndësishme të Kosovës, veçanërisht në fushën e sigurisë, mbrojtjes dhe promovimit të vlerave të përbashkëta.

Adresa juaj email s’do të bëhet publike. Fushat e domosdoshme janë shënuar me një *

0/30 karaktere

Hyr

Hyni ose krijoni një llogari tani për të përfituar nga privilegjet e Gazetabruto.com, dhe plotësisht falas!

Hyr