Deputetja e Lidhjes Demokratike të Kosovës (LDK), Vjosa Osmani, ka deklaruar se në institucionet publike të nivelit lokal dhe qendror janë evidentuar shkelje të shumta, të cilat janë konstatuar nga Zyra Kombëtare e Auditimit.
Duke folur në emisionin “ADRESA” në Kanal 10, Osmani tha se raportet e auditimit kanë evidentuar probleme në institucione të ndryshme, nga komunat deri te Qeveria.
Sipas saj, vetëm Presidenca dhe Kuvendi kanë marrë raporte të shkëlqyera, ndërsa në institucionet e tjera janë gjetur shkelje të shumta.
“Vetëm Presidenca e Kuvendi kanë raporte të shkëlqyera”, deklaroi Osmani.
Ajo theksoi gjithashtu se mbi 500 raste të evidentuara nga Auditori i Përgjithshëm janë përcjellë në Prokurori, por sipas saj, deri më tani përgjigje ka pasur vetëm për katër apo pesë raste.
Osmani ngriti shqetësimin për mungesën e trajtimit të këtyre rasteve nga organet e drejtësisë, duke vënë në pah nevojën për më shumë përgjegjësi dhe llogaridhënie në institucionet publike.
