Kryetari i Prishtinës, Përparim Rama, është thirrur nga Prokuroria Speciale për t’u intervistuar në cilësinë e të dyshuarit lidhur me projektin e Zyrës së Arkitektit të Kryeqytetit.
Lëvizja Vetëvendosje ka reaguar përmes asamblistit Gëzim Sveçla, i cili ka publikuar dokumente që, sipas tij, dëshmojnë se Komuna e Prishtinës ka paguar 1 milion e 48 mijë euro për shërbime konsulence vetëm gjatë tetorit dhe nëntorit 2023.
Sveçla ka theksuar se kontrata e përgjithshme për këtë projekt kap vlerën prej 12 milionë eurosh, duke rikujtuar se LVV-ja e kishte denoncuar rastin që nga fillimi.
