Qeveria amerikane do të bëhet aksionare në kompaninë Vulcan Elements, e specializuar në procesimin e mineraleve të rralla të tokës, me qëllim uljen e varësisë nga Kina.
SHBA do të investojë gjithsej 620 milionë dollarë si hua, 50 milionë si grant dhe do të marrë aksione prej 50 milionë dollarësh në kompani.
Mineralet e rralla janë thelbësore për industrinë elektronike, automobilistike dhe mbrojtëse.
Sekretari amerikan i Tregtisë, Howard Lutnick, tha se synimi është të forcohet zinxhiri i furnizimit vendas dhe pavarësia ekonomike e Shteteve të Bashkuara nga Kina, e cila aktualisht dominon tregun botëror të këtyre materialeve.
