Vitia kritikon raportimin për pacienten në Onkologji: Shkaku i vdekjes kërkon verifikim

featured
0
Shpërndaj

Shpërndaje këtë postim

ose kopjo linkun

Ministri i Shëndetësisë, Arben Vitia, ka kritikuar raportimin se një paciente në Klinikën e Onkologjisë kishte vdekur si pasojë e mungesës së barnave, duke thënë se shkaku i vdekjes nuk mund të përcaktohet pa verifikimet e nevojshme.

Duke folur në Kuvendin e Kosovës, Vitia u shprehu fillimisht ngushëllime familjarëve të së ndjerës, ndërsa kritikoi mediat për publikimin e informacionit pa verifikim paraprak.

Sipas ministrit, pas publikimit të pretendimit nga një shoqatë, Klinika e Onkologjisë kishte tentuar të kontaktonte përfaqësuesit e saj, por fillimisht pa sukses.

Vitia tha se më pas rasti ishte raportuar edhe nga një gazetare, pa u konfirmuar paraprakisht me shoqatën apo institucionet përkatëse.

“Për shkakun e vdekjes nevojitet autopsia dhe shumë procedura të tjera për të qenë i qartë. Nuk mundet as mjeku ta konstatojë shkakun e vdekjes në raste të tilla”, deklaroi ai.

Ministri shtoi se drejtori i Klinikës së Onkologjisë kishte mbledhur informacionet për rastin dhe kishte publikuar një reagim për të sqaruar situatën. Ai kritikoi gjithashtu faktin që, sipas tij, gazetari dhe mediumi që e kishin raportuar fillimisht lajmin nuk e kishin publikuar më pas reagimin institucional.

Adresa juaj email s’do të bëhet publike. Fushat e domosdoshme janë shënuar me një *

0/30 karaktere

Hyr

Hyni ose krijoni një llogari tani për të përfituar nga privilegjet e Gazetabruto.com, dhe plotësisht falas!

Hyr