Këngëtari e koreano-jugor i K-pop-it, Wheesung, është gjetur i vdekur në shtëpinë e tij në moshën 43-vjeçare. Ai u gjet pa ndjenja në banesën e tij të hënën në mbrëmje nga reaguesit e urgjencës, pasi nëna e tij thirri për ndihmë, raportuan mediat lokale.
Policia tha për mediat lokale se nuk kishte gjetur shenja dhune, por paralajmëroi se kishte kaluar “një kohë e konsiderueshme” që kur ai vdiq.
“Artisti Wheesung na ka lënë”, konfirmoi të martën agjencia e tij e menaxhimit Tajoy Entertainment, duke e përshkruar stafin dhe kolegët e tyre si “në pikëllim të thellë”.
Wheesung, i cili kishte një varg hitesh në Korenë e Jugut, duke përfshirë një kopertinë të njohur të yllit britanik Craig David’s Insomnia, ishte planifikuar të performonte së bashku me këngëtaren KCM në qytetin juglindor të Daegu këtë fundjavë.
Në mesazhin e tij të fundit në rrjetet sociale, Ëheesung njoftoi koncertin e ardhshëm dhe shkroi: “Humbja në peshë përfundoi. Shihemi më 15 mars.”
