Ylli anglez i West Ham, Michail Antonio ka publikuar foton e parë që nga aksidenti automobilistik që pësoi në dhjetor 2024.
34-vjeçari u dërgua në spital me një këmbë të thyer, pasi mezi u tërhoq nga rrënojat e Ferrarit të tij jashtëzakonisht të vlefshëm.
“Kur policia më gjeti, isha midis dy ndenjëseve. Nuk isha në vendin e shoferit”.
“Ata thanë se dukej sikur po përpiqesha të ngjitesha nga dritarja, por duke qenë se këmba më ishte thyer, nuk munda ta bëja për shkak të dhimbjes”, tregon Antonio.
