Udhëheqësja franceze e ekstremit të djathtë Marine Le Pen u shpall fajtore të hënën për përvetësim të fondeve publike.
Le Pen dhe tetë anëtarë të tjerë të Parlamentit Evropian u shpallën fajtorë për keqpërdorim të më shumë se tre milionë eurove nga fondet e Parlamentit Evropian, të cilat dyshohet se i përdorën për të paguar bashkëpunëtorët e partisë në Francë.
Sipas një raporti të BFMTV-së, dymbëdhjetë asistentë, të cilët u gjykuan së bashku me eurodeputetët, u shpallën gjithashtu fajtorë për marrjen e parave të vjedhura.
Dëmi total vlerësohet në rreth 4,1 milionë euro.
Ky vendim mund të rezultojë në një ndalim pesëvjeçar nga mbajtja e posteve publike për Le Pen.
